نكت اليوم مش بتاعت امبارح

1- واحد اتصل بصاحبه فى التليفون.. ورد عليه ابنه الصغير بصوت واطى

الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا

2- عملو مسابقة سباق السيارات فاشترك فيها واحد صعيدى وجى يوم السباق بعربية صغيرة موديل قديم قوى فالمسؤولين

عن السباق قالولو هتخش السبق ازاى بالعربية المهكعة دية قالهم الحكم بعد السباق
المهم الصعيدى كسب السباق فالناس استغربو قوى قالولو ازى العربية المهكعة ديه كسبت السباق فقالو انت لازم حاطتت فيها موتور طيارة فبيفتحوا الكبوت لقو سته صعايدة عمالين بينهجو

3- مره واحد كان عايز يشتغل فا راح لمدير شركه وقاله انا عايز اشتغل فالمدير قاله

ماعنديش شغل فالراجل قاله شوفلي بس اي شغل فالمدير قاله والله ماعندي شغل كل الوظائف مشغوله فا الراجل قاله اي شغل فالمدير قاله بص انتا عارف الشارع الي قدام الشركه ده مشي فيه لغايه اخره هاتلاقي 7شوارع ادخل السابع هاتلاقي 7حارات خش السابعه ها تلاقي 7عمارات خش السابعه ها تلاقي 7ادوار اطلع السابع هاتلاقي 7شقق لقف ادام السابعه ها تلاقي 7اجراس رن السابع وخش هاتلاقي 7أوض خش السابعه هاتلاقي 7دواليب افتح السابع ها تلاقي 7صناديق افتح السابع ها تلاقي مصحف هاته احلفلك عليه انه مافيش شغل

4- واحد جاب ولاده قبل اما يموت قال لواحد خد عود حطب واكسره فالولد كسره قاله خد اتنين فكسرهم قاله طب

خد خمسين فكسرهم فالراجل قال لولاده خلاص اموت وانا مطمن ان معاكم البغل ده

5- موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟قاله علمت على لا لطم صاحبه وقاله
روحت فى شربة ميه فسأله الموظف ايه الحل ؟قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه
وقاله احنا صلحناه لك اوعى تعمل كده تانى

6- واحد منوفى بيغرق فى النيل فواحد بيقوله اطلعك وتدينى
جنيه قاله خليها نصف جنيه

7- واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له
في مطبعه... اقعد علي الورق علشان ما يطرش

8- في عجوز وهي تمشي بتطلع صوت بيب بيب بيب !!! لية ؟؟؟
لان عمرها عدت 120 سنة

9- واحد بيقول لصاحبه مش الجوازه بتاعت البنت فشلت قاله ليه ؟ قاله العريس عايز يضحك علينا قال انا حاجيب
الشقه والعفش وكل حاجه تلزم البيت قلنا كويس واحنا علينا ايه قال كل يوم تجيبولي العيش

10- صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا
لما رجع البلد كتب على التي شيرت بتاعه عصير قصب

11- مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا
حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

12- استضافوا واحد صعيدي في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة

13- واحد ليبي قال اليوم هندبح الجمل الجمل خاف قاله طب عندي طلب ممكن تدبحني مكان
ماإتولدت قاله حاضر فين ؟ قاله في الصحراء .
ولما راح الصحراء عشان يدبحوا قاله : حصلت في شارعنا

14- مجانين راكبين طيارة الطيارة قعدت تميل يمين وشمال الطيار قال للمضيفه شوفى
الناس اللى فى الطيارة دول راحت المضيفه لاقتهم بيلعبوا كرة قدم لقت ولحد قاعد على الكرسى بيتفرج قالت له سكت الناس دول كدة الطيارة معرضه للخطر قالها روحى انتى ومالكيش دعوة انا هاتصرف وبعد شويه راحت المضيفه لاقت كل شىء تمام ومافيش ناس غيرة قالت له انت عملت ايه قالها نازلتهم من الطيارة يلعبوا تحت

15- مره واحد ضابط امامه 100 مسجون فى واحد عطس راح قال لهم مين الى عطس مفيش حد رد راح
قسمهم خمسين وخمسين سال الخمسين من الى عطس مفيش حد رد راح قتلهم سال راح قسم الخمسين التانين 25 و25 راح سال ال25 من الى عطس فيكم مفيش حد رد راحقسم ال25 الى 12 و13 راح سال ال13 من الى عطس فيكم مفيش حد رد راح قتلهم راح قسم ال12 6 و6 راح سال ال6 مين الى عطس فيكم محدش رد راح قتلهم راح الى ال6 التانين قسمهم 3و3 رراح سال ال3 مين الى عطس فيكم راح قتلهم بعدين ال3 التانين راح قسمهم 2و1راح سال ال2 مين الى عطس محدش رد راح قتلهم وبعدين سال الاخير قالوا انت الى عطست قال له اه الضابط قال له يرحمكم الله

16- بيقولك مرة أبو العربى حس بخيانة مراته ليه فقرر انه يراقبها فمشا وراها لحد
لما لقاها ماشيه مع راجل غيره فقام مشا وراهم حتى وصلو إلى الكورنيش فاستخبا ورا الكورنيش فسمع الراجل بيقول لمراته إى بقا يا أم العربى انا كل مرة لما أمشى معاكى أمسك إيدك اليمين نفسى مرة أمسك إيدك الشمال قالتله ام العربى : لا إيدى الشمال دى بتاعة ابو العربى فاطلع ابو العربى وقال لمراته: أصيلة يا ام العربى

هههههههههههههههههههههه حلوين جدا خصوصا بتاعت ابو العربى

ميرسى نور

ههههههههههههههههههه
حلوين اووووووووووى يانور

هههههههههه
جميله منك نور